Бу хакта Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров 12 февральдә Татарстан Республикасы Авыл хуҗалыгы һәм азык-төлек министрлыгы коллегиясе барышында хәбәр итте.
2019 ел йомгаклары буенча барлык хуҗалыклар буенча сөт җитештерү 1 млн 893 мең тонна тәшкил итте, шул исәптән авыл хуҗалыгы оешмаларында -1 млн 350 мең тонна, бер сыердан - 5842 кг сөт.
Сөт күләмнәре буенча Кукмара районы иң алда бара - 100 мең тн, аннан кала Балтач - 88 мең тн һәм Әтнә районы - 81 мең тонна. Алар республика сөтенеең 20%ын диярлек җитештерәләр, барлык сыерлар саныннан 14%ы аларда.
2020 елның 30 гыйнварында Кукмара районы хезмәтчәннәре республика тарихында беренче булып тәүлеклек савымны 300 тоннадан арттырып җибәрделәр. Бу илнең барлык муниципаль районнары арасында иэ югары күрсәткеч, һәм алар моның белән генә тукталып калырга җыенмыйлар.
Марат Җәббаров кичә Татарстан Республикасы Президенты тарафыннан Кукмара районына бу казанышлары өчен “Татарстан Республикасы алдындагы казанышлар өчен” Ордены тапшырылуы турында әйтеп узды. Орленга алдагы югары чик - тәүлеккә 400 тн сөт.
«Без бер урында таптанмыйбыз. 35,5 мең баш сыерга исәпләнгән 40тан артык инвестпроект эштә, бу инде елга өстә рәвештә 150 мең тн сөт һәм бу инде башка икътисад. Ә монда резервлар җитәрлек. Россия Федерациясе субъектлары арасында барлык категория хуҗалыклар буенча без беренче урында тора һәм Россия буенча гомуми сөт күләменең 6%ын җитештерәбез», - дип сөйләде вице-премьер.
Тере үлчәмдә терлек һәм кош-корт 517 мең тоннага якын җитештерелгән – Россия Федерациясендә 8 урын. Биредә кошчылыктан күпчелек өлеш керә. Кош итен Чаллы Бройлер һәм Ак Барс холдинг кебек эре комплекслар җитештерә. Алар республика буенча барлык күләмнең 90%ын җитештерәләр һәм динамика яхшы. Фермерлар шулай ук кошчылыкны актив үстерәләр.
Дуңгызчылык буенча 5 эре предприятие эшли: Камский Бекон, Авангард, ТатМитАгро, Феникс һәм Ялтау А/Ф, аларда 86 мең тоннага якын дуңгыз ите җитештерелә (ТР күләменең 93%ы).
Республикада шулай ук сарык үрчетү буенча нәсел базасы саклана, бу – 3,5 мең сарык. Узган елда ике сарык үрчетү комплексы төзелә башлады: Әлмәттән Заикина КФХсы - 500 баш сарыкка, Алабугадан Фалалеева КФХсы - 2100 башка.
Ат үрчетүдә дә селекция уңышлары бар. 2019 елның 6 февралендә селекция казанышларының дәүләт реестрында «Татар аты» токымлы атларга патент теркәлде. Авыл хуҗалыгы оешмаларында токымны алга таба үстерү өчен бияләр сатып алуга 5 млн. сум күләмендә субсидияләр каралды.